Հունգարիան արձագանքել է Մակրոնի բողոքին

Հունգարիայի վարչապետի վարչակազմի ղեկավար Գերգելի Գույաշը պատասխանել է Ֆրանսիայի նախագահ Էմանուել Մակրոնի բողոքին՝ ԱՄՆ-ում էժան գազի պատճառով։ Այս մասին հայտնում է РИА Новости-ն։

«Մենք կարող ենք ողջունել Մակրոնի հայտարարությունը «Բարի լույս» բառերով»,- ասել է Գույաշը՝ հիշեցնելով, որ Հունգարիայի իշխանությունները բազմիցս նշել են այդ փաստը։ Բացի այդ, եվրոպական ընկերությունները այժմ ստիպված կլինեն մրցակցել ամերիկյան ընկերությունների հետ, որոնք մի քանի անգամ ավելի էժան են ստանում վառելիքը։

Ավելի վաղ Ֆրանսիայի ղեկավարը մեղադրել էր ԱՄՆ-ին գազի գնի սահմանման հարցում երկակի ստանդարտներ կիրառելու և եվրոպացիներից շահույթ ստանալու մեջ։ «Ամերիկյան գազը ներքին շուկայում 3-4 անգամ ավելի էժան է, քան այն գնից, որով եվրոպացիներին առաջարկում են գնել»,- ասել էր Մակրոնը։ Ֆրանսիայի ղեկավարի խոսքով՝ այս իրավիճակը պետք է դառնա քննարկման թեմա, քանի որ խոսքը «անդրատլանտյան առեւտրում անկեղծության» մասին է։