Դեռ դժվար ճանապարհներ պետք է անցնենք. Արսեն Հարությունյան

Հայաստանի ազատ ոճի ըմբշամարտի հավաքականի անդամ, Եվրոպայի Մ23 տարեկանների չեմպիոն Արսեն Հարությունյանը իր հաղթանակը կապում է  իր, մարզիչների և թիմակիցների միասնական աշխատանքի հետ:

«Շնորհակալ եմ բոլորիդ ջերմ շնորհավորանքների համար։ Սա մարզիչներիս, ընկերներիս, հարազատներիս, բոլորիս հաղթանակն է։ Ոչ ոքի չեմ առանձնացնի. բոլորիս ջանքերով ես նվաճեցի մինչեւ 23 տարեկանների կրկնակի աշխարհի չեմպիոն կոչումը։ Շնորհակալ եմ, որ կաք, որ իմ կողքին եք, ուղղում եք սխալներս, որ հաջորդ մրցաշարերին նույնպես լավ մարզավիճակով ներկայանամ։

Դեռ դժվար ճանապարհներ պետք է անցնենք՝ մեկս մյուսին օգնելով ու հավատալով։ Եվս մեկ անգամ շնորհակալ եմ բոլորիդ»,-սոցցանցերի իր էջերում գրել է Արսեն Հարությունյանը։

Իսպանիայի Պոնտեվեդրա քաղաքում ընթացող Մ23 տարեկանների 

աշխարհի առաջնությունում ազատ ոճի ըմբիշ,61 կգ քաշային Արսեն Հարությունյանը ոսկե մեդալ է նվաճել՝ եզրափակչում 7։

5 հաշվով առավելության հասնելով Ղրղզստանի ներկայացուցիչ Թայիրբեկ Ժումաշբեկի նկատմամբ։ Արսեն Հարությունյանը երկրորդ անգամ է 

հռչակվում աշխարհի մինչև 23 տարեկանների չեմպիոն: 

Նախորդ անգամ Արսենն այս տիտղոսին արժանացել էր 2021 թվականին Բելգրադում անցկացված առաջնությունում։