ԻՀՊԿ-ի զորքերը ադրբեջանական զորքերի քթի տակ հատել են Արաքս գետի իրանական կողմը. Tasnim

Զորավարժությունների ընթացքում Իսլամական հեղափոխության պահապանների կորպուսի ցամաքային ուժերը ադրբեջանական զորքերի քթի տակ հատել են Արաքս գետի իրանական կողմը, հայտնում է Tasnim-ը։

Նշվում է, որ Ադրբեջանի հետ սահմանին Իսլամական հեղափոխության պահապանների կորպուսի զորավարժություններն աննախադեպ են եղել, քանի որ զորավարժությունների ընթացքում Իրանի էլիտար զինված ուժերը հատել են սահմանագիծը։

Զորավարժության ընթացքում Իրանի արտգործնախարար Հոսեյն Ամիրաբդոլլահիանը բացել է Իսլամական Հանրապետության գլխավոր հյուպատոսությունը Հայաստանի Կապան քաղաքում։ Քաղաքով է անցնում Գրիս-Կապան ռազմավարական երթուղին։ Սա Իրանը Եվրոպայի հետ կապող կարեւորագույն առեւտրային ուղիներից է։

Tasnim-ը գրում է, որ Կապանում Իրանի գլխավոր հյուպատոսության բացմամբ զորավարժությունները Իրանի ներկայիս վարչակազմում դիվանագիտության եւ դաշտային գործողությունների համակարգված քաղաքականության օրինակ են։ Ըստ լրատվական գործակալության՝ այս խոհեմ քաղաքականությունը կարող է ավելի նպաստել Իրանի ազգային շահերին ու անվտանգությանը։

Իրանը կտրականապես դեմ է ցանկացած երկրի՝ տարածաշրջանի աշխարհաքաղաքականությունը փոխելու ցանկացած քայլի կամ տարածաշրջանային սահմանների փոփոխության։