Իսրայելի պաշտպանության նախարարությունը հրաժարվել է զենք մատակարարել Ուկրաինային
Աշխարհ
Իսրայելի պաշտպանության նախարար Բենի Գանցն իր ուկրաինացի գործընկեր Ալեքսեյ Ռեզնիկովի հետ հեռախոսազրույցի ընթացքում հաստատել է, որ իր երկիրը պատրաստ չէ Կիևին զենք մատակարարել, հայտնում է ՏԱՍՍ-ը՝ հղում անելով Իսրայելի ռազմական գերատեսչության մամուլի ծառայությանը։
Գանցը Ռեզնիկովի ուշադրությունը հրավիրել է Իսրայելի առջև ծառացած գործառնական սահմանափակումների վրա։
«Դրա արդյունքում Իսրայելը Ուկրաինային սպառազինության համակարգեր չի մատակարարի»,- նշել է մամուլի ծառայությունը։
Կիևում Իսրայելի դեսպան Միքայել Բրոդսկին ավելի վաղ բացատրել էր Ուկրաինային զենք մատակարարելուց Թել Ավիվի հրաժարումը։ Նրա խոսքով՝ Իսրայելի կողմից ուկրաինական կողմին զենքի մատակարարումը դուրս կգա Թել Ավիվի և Մոսկվայի հարաբերություններում «կարմիր գծից»։
Մինչ այս Իսրայելի վարչապետ Յաիր Լապիդը Սփյուռքի հարցերով նախարար Նաչման Շայիի կոչը՝ Ուկրաինային զենք մատակարարելու մասին, որպես անձնական կարծիք էր անվանել։
ՈՒՂԻՂ ԵԹԵՐ
Ամենադիտված 
«Սա արդեն իսկական պատերազմի սկիզբ է»․ Լավրովը զգուշացրել է 
