Նոր գործառույթներ են հայտնվել YouTube-ում

Google-ը հայտարարել է YouTube-ի դիզայնի և նվագարկչի փոփոխության մասին բոլոր սարքավորումների համար։ Այս մասին հայտնում է The Verge-ն։

Նախևառաջ կթարմացվի YouTube նվագարկիչը. տեսանյութը հետարկելիս ժամանակի տողում կհայտնվի ճշգրիտ նախադիտում։ Այսպիսով, օգտատերերի համար ավելի հեշտ կլինի կադր առ կադր տեսանյութում ճիշտ պահերը որոնելը։

Միաժամանակ, օգտատերերին թույլ կտան մեծացնել տեսանյութը՝ նկարը մատներով ձգելով, ինչպես պատկերասրահների լուսանկարները։ Հատկանիշը կոչվում է pinch-to-zoom: The Verge-ը նշում է, որ Google-ը նախկինում փորձարկել է այս տարբերակը YouTube Premium-ի բաժանորդների շրջանում:

YouTube-ում կլինի նաև այսպես կոչված «գույների դինամիկ ընտրություն»: Այս հատկության շնորհիվ հավելվածի ինտերֆեյսի գունային սխեման հարմարվում է տեսանյութի գերիշխող գույներին։ Հավելվածներում մուգ թեման և վիդեո հոսթինգի վեբ տարբերակը կդառնան ավելի մուգ. եթե նախկինում օգտագործվում էին մոխրագույն երանգներ, այժմ դրանք ամբողջովին սև կլինեն։

Ըստ The Verge-ի, Google-ն սկսել է այս բոլոր նորամուծություններն իրականացնել հոկտեմբերի 24-ից: Արդյոք դրանք միաժամանակ կհայտնվեն բոլոր օգտատերերի համար, թե կտարածվեն տարածաշրջանից տարածաշրջան աստիճանաբար, չի հաղորդվում:

Այս թեմայով «Անտերությունն էլ ո՞նց է լինում. Փաշինյանի հանձնարարականները շան տեղ դնող չկա». Հայկ Մամիջանյան (տեսանյութ) Աշոտյանին ազատությունից զրկելով իշխանությունը փորձում էր նրան լռեցնել. Աբրահամյան (տեսանյութ) «Հո՛ւպ տվիր, վերջին ելույթիցդ շատ գոհ ենք, թալանչիների հանդեպ քրգործ հարուցի»․ սյունեցին՝ Փաշինյանին Այո՛, այդ տնազուրկ մարդը ես եմ և ողջ հայ ժողովուրդը, որին այդ վիճակին են մատնել. Բագրատ Սրբազան (տեսանյութ) Հոգևորականը ծոմ է սկսել հրապարակում` ի աջակցություն Սրբազանի Շարժման (տեսանյութ)