Զույգը 37 տարի ապրել է առանց վեճերի և բացահայտել ամուր հարաբերությունների գաղտնիքը

Հայիթիից ամուսինների դուստրը բացահայտել է 37 տարի միասին ապրած ծնողների ամուր հարաբերությունների գաղտնիքը։ Այս մասին հայտնում է Insider-ը։

32-ամյա Սինթիա Ֆրենսիլոնի խոսքով՝ ինքը երբեք չի տեսել, թե ինչպես են ծնողները վիճում։ «Վիճաբանել են, այո։ Բայց երբեք չեն կռվել»,- ասում է նա: Մի օր Սինթիան որոշել է պարզել, թե ինչպես է նրանց հաջողվել հարգալից և սիրալիր հարաբերություններ պահպանել, և ուղղակիորեն հարցրել է հորը:

Հայրն ասել է, որ մեկ սկանդալ, ամեն դեպքում, եղել է: Մի անգամ կինը սպառնացել է, որ կհեռանա, եթե իրենց հետ ապրող սկեսուրը չդադարի վիրավորել իրեն։ Նա համաձայնել է, խոսել է մոր հետ և ուրվագծել թույլատրելիի սահմանները: «Ես պարտավոր էի պաշտպանել կնոջս, նույնիսկ եթե դա իմ մայրիկն էր», - բացատրել է Սինթիայի հայրը:

Նրա կարծիքով՝ երջանիկ ամուսնության համար կարեւոր է գիտակցել, որ սերը զուգընկերներից յուրաքանչյուրի ամենօրյա ընտրությունն է։ Բացի այդ, մեծ նշանակություն ունի զույգի մեջ ապահովության զգացումը և միմյանց վստահելու պատրաստակամությունը։