Վիկտորյա Բեքհեմը քննադատել է իր և ամուսնու՝ 23 տարի առաջվա հանդերձանքը
ԼուսանկարներՎիկտորյա Բեքհեմը խոստովանել է, որ 1999 թվականի սև կաշվե հագուստով Դեյվիդ Բեքհեմի հետ «զույգային» հանդերձանքը դեռ տհաճություն է պատճառում իրեն: Այդ մասին գրում է Daily Mail-ը։
Դիզայները և Spice Girls-ի նախկին անդամը հյուրընկալվել է Watch What Happens Live-ում: Եթերում նա, հաղորդավար Էնդի Քոհենի և դերասանուհի Էնն Հեթուեյի հետ միասին, քննարկել է միանման սև կաշվե կոստյումները, որոնք նա և իր ամուսինը հագել են 1999 թվականի Ամանորյա երեկույթին:
«Ես դեռ... Այսինքն, դա հետապնդում է ինձ: Այն իսկապես հետապնդում է ինձ, բայց ես հավանում եմ այն»,- ասել է Բեքհեմն այդ հանդերձանքի մասին:
Վիկտորյա Բեքհեմը բացատրել է. «Շոգ էր: Մենք Gucci էինք կրում։ Դա Versace-ի հետ ընթրիք էր, և այդ հագուստն ինքնին տեղին չէր»:
Սակայն հենց Բեքհեմների այս կերպարը դարձավ այն ժամանակվա ամենաճանաչելիներից մեկը։ 90-ականների վերջին և 2000-ականների սկզբին զույգը հաճախ էր փորձեր անում միանման հագնվելու: