Nissan-ը ներկայացրել է Juke թարմացված քրոսովերը

Ճապոնական Nissan ընկերությունը թարմացրել է իր հայտնի Juke կոմպակտ քրոսովերը։ Այս մասին հայտնում է բրենդի մամուլի ծառայությունը։

2023 թվականի Nissan Juke քրոսովերը տարբերվում է նախորդից՝ թարմացված անվանատախտակներով և երկու նոր վառ գույներով: Մեքենան ունի նոր 17 դյույմանոց ալյումինե անիվներ, ինչպես նաև արդիականացված ուղեբեռի պահոց, որը թույլ է տալիս առավելագույնի հասցնել բեռնախցիկի օգտագործումը: Ի թիվս այլ բաների՝ Juke-ի որոշ մոդելներ ներառում են խելացի բանալի և Bose պրեմիում ստերեո համակարգ:

Նոր Nissan Juke-ը նույնպես աշխատում է 114 ձիաուժ հզորությամբ բենզինային տուրբո շարժիչով և ավտոմատ փոխանցման տուփով: Վառելիքի սպառումը կազմում է ընդամենը 5,8 լիտր 100 կիլոմետրի համար: