Հրուշակագործ Ռենատ Ագզամովի սիրուհին դուրս է եկել բանտից և խոստանում է վրեժ լուծել նրանից

Պարզվում է, որ հրուշակագործ Ռենատ Ագզամովի կյանքն այնքան էլ քաղցր չէ։ Այս պատմությունը սկսվել է շատ վաղուց, նույնիսկ այն ժամանակ, երբ Ռենատը հայտնի չէր և ապրում էր Սոչիում։ Այնտեղ նա հանդիպեց իր առաջին սիրուն՝ Նատալյա Յուրիլոյին, և իրական դրամա ծավալվեց, գրում է Paparazzi-ն։

Ագզամովի եղբայրը սիրահարված էր աղջկան, իսկ նա սիրում էր Ռենատին, ով փոխադարձում էր նրա զգացմունքները։ Նման բարդ մրցակցության արդյունքում՝ զույգին հաջողվում է օտարել խոհարարի բարեկամին և միասին լինել։ Հետո Ռենատը մեկնում է՝ Մոսկվան գրավելու, և խոստանում է աղջկան վերադառնալ և մայրաքաղաք տանել նրան։

Ռենատը լռում է այն մասին, որ այդ ընթացքում ամուսնացել է իր ներկայիս կնոջ՝ Վալերիայի հետ։ Շուտով Նատալյան իմանում է այս մասին, բայց սիրահարները շարունակում են իրենց հարաբերությունները, և հրուշակագործը շարունակում է պնդել, որ չի սիրում կնոջը, բայց նա չի կարող լքել նրան։

Ագզամովը շարունակում է ֆինանսական օգնություն ուղարկել «նախկին սիրելիին»՝ հոգալու առողջական ծախսերը։ Նա նույնիսկ կնոջը պատմում է Նատաշայի մասին՝ նրան անվանելով «իր առաջին սերը և վաղեմի ընկերը», ով շտապ օգնության և գումարի կարիք ունի։ Վալերիան հուզվում և ամուսնուն թույլ է տալիս զգալի գումարներով օգնել Յուրիլոյին։

Այնուհետև, ըստ Նատալիայի, հրուշակագործը նրան տանում է Պյատիգորսկ՝ վերականգնվելու, և այնտեղ նրանք «մեղրամիս» են ունենում, որից հետո կինը հասկանում է, որ հղի է։ Ագզամովին դա պետք չէր, և նա սկսում է «սիրելիին» ստիպել ազատվել երեխայից։ Նա հրաժարվում է։ Այնուհետ Ագզամովը դադարում է օգնել նրան գումարով, և մի օր անհայտ անձը հարձակվել է Յուրիլոյի վրա և հարվածում նրա որովայնին։ Հղիությունն այսպես «ավարտվում է»։

Քիչ թե շատ ապաքինվելով՝ Նատալյան գնում է Մոսկվա, որտեղ սկսում է շանտաժի ենթարկել Ագզամովին՝ գումար պահանջելով և սպառնալով հաշվեհարդար տեսնել նրա կնոջ և երեխայի նկատմամբ:

«Ես նախատեսում էի նրանից ստանալ 3 միլիոն ռուբլի՝ որպես երեխայի կորստի փոխհատուցում, վճարել բնակարանի ու բուժման ծախսերը, ինչպես նաև մարել պարտքերը։ Ես այլևս չէի ուզում նրան անհանգստացնել, ես ուզում էի գնալ Սոչի և հետագա բուժում ստանալ», - դատավարության ժամանակ բացատրել է Յուրիլյոն:

Արդյունքում՝ հետաքննությունը պարզել է, որ իրականում հղիություն չի եղել և ոչ ոք չի հարձակվել Նատալիայի վրա։ Նա մեղավոր է ճանաչվել շորթման մեջ և 7 տարով ուղարկվել գաղութ։ Նա վաղաժամկետ ազատ է արձակվել լավ պահվածքի համար։ Օրերս նա ազատ է արձակվել և հայտարարել է, որ սկզբի համար իրեն թույլ կտա մի քիչ հանգստանալ, իսկ հետո կսկսի վրեժ լուծել հայտնի հրուշակագործից։

«Ահա այսպիսի զվարճալի կյանք Ռենատ Աղզամովի համար»,-գրում է պարբերականը: