Իրանում մահացել է աշխարհի ամենակեղտոտ մարդը

Մահացել է իրանցի Ամու Հաջին, ով ընդգրկվել էր Գինեսի ռեկորդների գրքում՝ որպես աշխարհի ամենակեղտոտ մարդ։ Այս մասին հայտնում է IRNA գործակալությունը։ Տղամարդը 94 տարեկան էր, և վերջին 63 տարիների ընթացքում նա երբեք լոգանք չէր ընդունել. նա կարծում էր, որ լողանալը վնասակար է առողջության համար։ Թվում է, թե նրա իմունիտետն իսկապես ուժեղ է եղել միկրոբների դեմ մշտական ​​պայքարից։

Ամու Հաջին մահացել է Դեյգա գյուղում, որը գտնվում է հարավային Ֆարս նահանգում, որտեղ ապրել է իր կյանքի մեծ մասը: Տղամարդը գործազուրկ էր ու, իհարկե, ամուրի։ Սակայն դժվար է նրան միայնակ անվանել, քանի որ նա դարձել էր տեղի աստղ՝ գրավելով աշխարհի տարբեր ծայրերից ճանապարհորդների ու լրագրողների ուշադրությունը։ 2013 թվականին նրա մասին նույնիսկ նկարահանվել է վավերագրական կարճամետրաժ ֆիլմ՝ «Ամու Հաջիի տարօրինակ կյանքը»։ Դրանում նա ասում էր, որ աճող եղունգները խարտոցում է քարի վրա, իսկ երբ մորուքը շատ է երկարանում, կրակն օգնում է ազատվել դրանից։

Այս թեմայով Հայաստան-Իրան սահմանի մոտակայքում, շուրջ 12 կգ թմրամիջոց է հայտնաբերվել Իրանի ԱԳ նախարարը պաշտոնական այցով ժամանել է Սիրիա Եթե Իսրայելը «սխալ գործի», կհարվածենք էներգետիկ ոլորտին. Իրանը սպառնում է Իրանը նախազգուշացում է արել Իսրայելին ԱՄՆ-ն ու Իսրայելը քննարկում են Իրանի նավթային օբյեկտներին հարվածը