Անվտանգության աշխատակիցը սպանել է իր ղեկավարին, քանի որ վերջինս սխալ է գրել իր անունը

ԱՄՆ-ում անվտանգության աշխատակիցը սպանել է իր ղեկավարին, քանի որ վերջինս սխալ է գրել իր անունը չեկի վրա, գրում է Daily Mail-ը։ Այս սխալի պատճառով տղամարդը չի կարողացել կանխիկացնել գումարը բանկում։

35-ամյա Լլոյդ Լով կրտսերը սպանել է 52-ամյա Մարվին Ջոնսոնին անվտանգության աշխատակից լինելուց ընդամենը չորս օր հետո։ Աշխատավարձի մի մասը ստանալուց հետո ամբաստանյալը գնացել է բանկ՝ 165 դոլար կանխիկացնելու համար, սակայն չի կարողացել դա անել, քանի որ չեկի վրա իր անունը սխալ է գրված եղել։

Լլոյդը զանգահարել է Մարվինի կնոջը և գումար պահանջել, ինչին կինը պատասխանել է, որ այս պահին դա հնարավոր չէ։ Ավելի ուշ քննարկմանը միացել է ինքը՝ Ջոնսոնը՝ խոստանալով, որ այսօր նոր չեկ կգրի պահակին, սակայն այդ պահին Լով կրտսերը կրակել է շեֆի վրա։

«Ես ուղղակի հիմարություն արեցի: Ինչքան քիչ իմանաք, այնքան լավ»,- դեպքից անմիջապես հետո ասել է Լլոյդը իր հարսնացուին:

Տղամարդը ձերբակալվել է նույն օրը։ Նա ոստիկաններին պատմել է, որ վերջին շրջանում իր կյանքում շատ խնդիրներ են եղել: Բացի այդ, Լլոյդը խոստովանել է, որ իր գլխում ձայներ է լսում։ Ամերիկացու ընկերուհին հավելել է, որ ընկերն իբր երկբևեռ խանգարում և շիզոֆրենիա ունի։

Ամերիկացուն մեղադրանք է առաջադրվել սպանության մեջ, սակայն նա չի ներկայացել դատարան՝ հրաժարվելով լքել խուցը։

Այս թեմայով Ռուսաստանը հայելային պատասխան կտա ԱՄՆ-ի միջուկային փորձարկումներին. ՌԴ ԱԳՆ ԱՄՆ-ն Իսրայելին օգտագործում է, որ տիրանա Մերձավոր Արևելքի բոլոր ռեսուրսներին․ Ալի Խամենեի «Կարելի՞ է այդքան անշնորհակալ լինել»․ Ալիևը մեղադրանքներ է հնչեցրել ԱՄՆ–ի հասցեին ԱՄՆ-ն ու Իսրայելը քննարկում են Իրանի նավթային օբյեկտներին հարվածը ԱՄՆ 60 կոնգրեսական կոչ են անում երկրի ղեկավարությանը պատասխանատվության ենթարկել Ադրբեջանին