Ուսանողը գաղտնի նկարահանել է, թե ինչպես է սեքսով զբաղվում կանանց հետ, և հայտնվել է դատարանում

Սինգապուրի համալսարաններից մեկի ուսանողը գաղտնի նկարահանել է, թե ինչպես է սեքսով զբաղվում կանանց հետ, և հայտնվել է դատարանում։ Այս մասին հայտնում է Channel News Asia-ն։

Չան անունով 26-ամյա տղամարդն իրեն մեղավոր է ճանաչել առանց մյուս կողմի համաձայնության ինտիմ տեսանյութեր ձայնագրելու երկու հոդվածներով: Եվս երկու մեղադրանք կքննվի դատարանում։

2020 թվականին Չանը ծանոթացել է 18-ամյա աղջկա հետ Tinder հավելվածի միջոցով։ Նրանք սկսել են շփվել սոցիալական ցանցերում, հետո որոշել են հանդիպել։ Աղջիկը եկել է համալսարանի հանրակացարան, որտեղ ապրում էր Չանը, և զույգը սեռական հարաբերություն է ունեցել։

Հանդիպման ժամանակ աղջիկը հասկացել է, որ տղամարդն իր հեռախոսի տեսախցիկը ուղղել է դեպի իրեն։ Նա հարցրել է, թե արդյոք նա նկարահանում է: Թեեւ նա բացասական պատասխան է տվել, սակայն աղջիկը նրանից վերցրել է հեռախոսը եւ թաքցրել բարձի տակ։ Դրանից հետո նրանք շարունակել են իրենց հարաբերությունները։

Այդ օրը ավելի ուշ Չանը մի քանի անգամ հարցրել է՝ կարո՞ղ է տեսագրել սեքսը, բայց աղջիկն ամեն անգամ մերժել է։ Ընթրիքի ժամանակ տղամարդն առաջարկել է նրան սկսել հանդիպել, սակայն նա չի ցանկացել։ Այնուհետև Չանը արգելափակել է նրա մուտքը սոցցանցերում իր օգտահաշիվներ:

Շուտով նա TInder-ի միջոցով հանդիպել է 20-ամյա ուսանողուհու հետ։ 2020 թվականի նոյեմբերին նա եկել է նրա տուն և սեռական հարաբերություն են ունեցել։ Չանը դեպքը տեսագրել է առանց նրա համաձայնության։ Ավելի ուշ նա նկարահանել է մեկ այլ տեսանյութ, որում պատկերված են տուժածի մարմնի ինտիմ մասերը։

Դատարանը չի հստակեցրել, թե դեպքի մասին ինչպես է հայտնի դարձել իրավապահ մարմիններին։ Տղամարդուն կդատապարտեն դեկտեմբերին։