Մխիթարյանի գոլն օգնել է «Ինտեր»-ին հաղթանակ տանել . Չեմպիոնների լիգայի այլ արդյունքներ

Ֆուտբոլի Չեմպիոնների լիգայում կայացել են A, B, C, D խմբերի 5-րդ տուրի հանդիպումները:

B խմբում «Պորտու»-ն արտագնա խաղում 0:4 հաշվով գերազանցել է «Բրյուգե»-ին, իսկ «Ատլետիկո»-«Բայեր» հանդիպումն ավարտվել է ոչ-ոքի` 2:2:

C խմբում «Բարսելոնա»-ն տանը զիջել է «Բավարիա»-ին 0:3 հաշվով, իսկ «Ինտեր»-ը Միլանում 4:0 հաշվով հաղթել է «Պլզեն»-ին: Հայաստանի ֆուտբոլի ազգային թիմի նախկին ավագ Հենրիխ Մխիթարյանը «Ինտեր»-ի կազմում դարձել է գոլի հեղինակ:

D խմբում «Ֆրանկֆուրտ»-ը հաղթել է «Մարսել»-ին 2:1, իսկ «Տոտենհեմ»-«Սպորտինգ» հանդիպումն ավարտվել է ոչ-ոքի` 1:1:

Չեմպիոնների լիգայի փլեյ-օֆֆի ուղեգիր են նվաճել «Ինտեր»-ը և «Բրյուգե»-ն: «Բարսելոնա»-ն ու Մադրիդի «Ատլետիկո»-ն զրկվել են փլեյ-օֆֆ դուրս գալու հնարավորությունից:

Խմբային փուլի վերջին` 6-րդ տուրի հանդիպումները կկայանան նոյեմբերի 2-3-ին: