Ford-ը հեռանում է Ռուսաստանից

Ամերիկյան Ford ընկերությունը լքել է ռուսական շուկան։ Ավտոարտադրողը վաճառել է Sollers Ford համատեղ ձեռնարկության իր 49% բաժնեմասը Sollers խմբին, որը նախկինում ուներ 51% բաժնետոմս, ասվում է ընկերության մամուլի հաղորդագրության մեջ:

Ford-ը դադարեցրել է իր Transit թեթև կոմերցիոն մեքենաների արտադրությունը Sollers Ford համատեղ ձեռնարկության գործարանում այս տարվա մարտին:

Ապրանքանիշը Ռուսաստանում մարդատար ավտոմեքենաներ չի արտադրել կամ վաճառել 2019 թվականի կեսերից։

Արդեն հայտնի է, որ Sollers-ը կպահպանի ավտոմեքենաների արտադրությունը։ Այս տարվա վերջում ընկերությունը պատրաստվում է սկսել սեփական ապրանքանիշով թեթև կոմերցիոն մեքենաների արտադրությունը՝ տեղայնացման բարձր պահանջներով։ Ford-ի անվանական պիտակը կփոխվի։