Գլյուկոզան պատմել է՝ ինչպես է հաղթահարում անհանգստությունն ու վախը

Երգչուհի Նատալյա Չիստյակովա-Իոնովան` Գլյուկոզան, իր անձնական բլոգում պատմել է, թե ինչպես է հաղթահարում անհանգստությունն ու խուճապը։ Նա նշել է, որ երջանկությունը փորձում է փնտրել մանրուքների մեջ։

«Հիմա շատ դժվար է: Ամբողջ ուժով դիմանում եմ։ Ես ինձ ստիպում եմ մանրուքների մեջ դրականը փնտրել: Ես սահմանափակում եմ այն ​​տեղեկատվությունը, որը գալիս է բոլոր կողմերից։ Եվ, իհարկե, իմ ամենասիրած բանը կատարելագործվելն է, նոր նախագծերի մեջ գլխակորույս սուզվելը և մենահամերգներին պատրաստվելը։ Այժմ շատ կարևոր է կենտրոնանալ հնարավորությունների վրա։ Իսկ կյանքում իմ գլխավոր հոգսը ընտանիքն ու երեխաներն են։ Նրանց երջանկությունն ու բարեկեցությունն ուղղակիորեն կապված են իմ ինքնազգացողության և տրամադրության հետ»,- կիսվել է արտիստը։

Դերասանուհին ամուսնացած է գործարար Ալեքսանդր Չիստյակովի հետ։ Զույգն ունի երկու երեխա՝ 15-ամյա Լիդիան և 11-ամյա Վերան։ Գլյուկոզան խոստովանել է, որ ցանկանում է երրորդ անգամ մայրանալ, իսկ ամուսինն աջակցում է նրան։ Զույգը այս հարցը քննարկել է դուստրերի հետ, սակայն մինչ այժմ աղջիկներն այնքան էլ պատրաստ չեն եղբոր կամ քրոջ լույս աշխարհ գալուն։ Երգչուհին ասել է, որ մտածելու համար դեռ երկու տարի ունի։