«Հեղափոխական» նախարարը կյանքի է կոչում «մերժված» Ալթունյանի ծրագրերը

2017 թվականի հունիսին Հայաստանի այն ժամանակվա առողջապահության նախարար Լևոն Ալթունյանը հայտարարեց, որ Հայաստանում կմշակվի առողջապահական պարտադիր ապահովագրության օրենք, և 2020 թվականին քաղաքացիներին կառաջարկվի պարտադիր ապահովագրության փաթեթը:

Նույն թվականի հոկտեմբերին Լևոն Ալթունյանը հայտարարեց, որ պատրաստվում են առաջ քաշել այսպես կոչված՝ հակածխախոտային օրենքը:  «Մենք պետք է անենք այն ամենը, որ երիտասարդ սերունդը չվերցնի ծխախոտը և ծխի: Պապիկները կարող են շարունակել հազալ, բայց թոռնիկները պետք է առողջ լինեն և սիգարետի հոտ նրանցից չպետք է գա; Երիտասարդը հիմնականում հետևում է մոդային, բայց մենք վճռական ենք ձեզ հետ աշխատել այնքան, որ ծխելը դարձնեք ոչ մոդայիկ գործառույթ. հակածխախոտային պայքարում այդպես պետք է մտածել»,-ասել էր այն ժամանակ Ալթունյանը լրագրողներին։

Ուշագրավն այն է, որ թե՛ հակածխախոտային օրենքը, թե՛ առողջապահական պարտադիր ապահովագրության մասին օրենքը այս իշխանությունները փորձում են ներկայացնել իբրև իրենց սեփական նոու-հաու, սակայն, փաստացի Անահիտ Ավանեսյանի ղեկավարած կառույցը այսօր իրականացնում է իրենց իսկ կողմից մերժված նախկինների առաջ քաշած և մշակած ռեֆորմները...