Պուտինը խոսել է նոր աշխարհակարգի հիմքերի մասին

Աշխարհում նոր աշխարհակարգը պետք է հիմնված լինի օրենքի և իրավունքի վրա, լինի ազատ և արդար։ Այս մասին հինգշաբթի՝ հոկտեմբերի 27-ին, «Վալդայ» միջազգային քննարկման ակումբի լիագումար նիստում հայտարարեց ՌԴ նախագահ Վլադիմիր Պուտինը։

«Այսօրվա պատմական պահի իմաստն այն է, որ բոլոր պետություններն ունեն իրենց զարգացման ուղու հնարավորությունները։ Նոր աշխարհակարգը պետք է հիմնված լինի օրենքի և կանոնների վրա»,- ասել է պետության ղեկավարը։

Միաժամանակ նա ընդգծել է, որ Ռուսաստանը միայն պաշտպանում է իր գոյության իրավունքը եւ չի ցանկանում դառնալ նոր հեգեմոն։ Նրա դիրքորոշումն այն է, որ ժողովրդավարական, արդար աշխարհակարգը պետք է կառուցվի հարգանքի և վստահության սկզբունքների վրա: Մինչդեռ Արեւմուտքի առաջարկած աշխարհակարգը կոչված է իրեն առանց կանոնների ապրելու հնարավորություն տալու։

Ռուսաստանի ղեկավարը նաև նշել է, որ Արևմուտքը վերջին տարիներին մի շարք քայլեր է ձեռնարկել իրավիճակը սրելու համար՝ հրահրում Ուկրաինայում, սադրանքներ Թայվանում և էներգետիկ շուկաների ապակայունացում։ Արևմտյան քաղաքականությունը «վտանգավոր, արյունալի և կեղտոտ խաղ է, որը հաշվի չի առնում այլ պետությունների շահերը»,- ասել է նա։