Պուտինը ռուսներին և ուկրաինացիներին անվանել է մեկ ժողովուրդ, որը հայտնվել է տարբեր պետություններում
Աշխարհ
ՌԴ նախագահ Վլադիմիր Պուտինը հայտարարել է, որ ռուսներն ու ուկրաինացիներն ըստ էության մեկ ժողովուրդ են, եւ մասամբ համաձայնել է այն կարծիքին, որ այն, ինչ այժմ կատարվում է Ուկրաինայում, կարելի է անվանել քաղաքացիական պատերազմ, հաղորդում է «Интерфакс»-ը։
«Այն, որ ռուսներն ու ուկրաինացիները սկզբունքորեն մեկ ժողովուրդ են, պատմական փաստ է»,- ասել է նա՝ ելույթ ունենալով «Վալդայ» միջազգային քննարկումների ակումբում։
Պատասխանելով հարցին, թե արդյոք դա նշանակում է, որ այժմ կարելի է խոսել քաղաքացիական պատերազմի մասին, Պուտինը պատասխանել է՝ «Մասամբ այո»։
Պուտինը համոզված է, որ «միասնական ռուս ժողովրդին պառակտելու փորձերը» սկսվել են 19-րդ դարում։ «19-րդ դարում դա սկսեց տեղի ունենալ, ավելի ու ավելի լայն տարածում գտավ, աջակցություն ստացավ, այդ թվում՝ Արեւմուտքի կողմից»,- ասել է նա։
Նրա խոսքով՝ գործում է «Բաժանիր եւ տիրիր» սկզբունքը։«Մենք հասել ենք որոշակի նպատակների»,-ընդգծել է Պուտինը։
«Այնուհետեւ դա արտահայտվեց Երկրորդ համաշխարհային պատերազմի ժամանակ Հիտլերի հետ համագործակցությամբ»,-հավելել է նա։
ՈՒՂԻՂ ԵԹԵՐ
Ամենադիտված 
Ծնողները մահացել են, 3 երեխաները հիվանդանոցում են. նոր մանրամասներ ողբերգական վթարից
