Արևմուտքը ձգտում է ամեն գնով Ռուսաստանին հեռացնել բանակցային գործընթացից. Զատուլին
Արտաքին Քաղաքական
Արևմուտքը ձգտում է Ռուսաստանին դուրս մղել Լեռնային Ղարաբաղի շուրջ բանակցային գործընթացից։ Այս մասին հայտարարել է Պետդումայի պատգամավոր Կոնստանտին Զատուլինը, գրում է Gazeta-ն։
«Արևմուտքն աշխատում է Քեմփ Դեյվիդի մոդելի վրա, երբ Մերձավոր Արևելքի շուրջ բանակցությունները երկար տարիներ ընթանում էին, ԽՍՀՄ-ն ու ԱՄՆ-ն հիմնական միջնորդներն էին, բայց որոշակի փուլում, զգալով Եգիպտոսի այն ժամանակվա նախագահի նախատրամադրվածությունը [Անվար Սադաթ], ԱՄՆ նախկին պետքարտուղար Հենրի Քիսինջերը խախտում է այս սխեման և գործարք է կնքում Եգիպտոսի և Իսրայելի միջև՝ մոռանալով Սիրիայի և Պաղեստինի շահերի մասին»,- ասել է Զատուլինը։
Ռուսաստանցի խորհրդարանականը չի հավատում Ադրբեջանի կազմում Լեռնային Ղարաբաղի «հայերի հանգիստ կյանքին»՝ հավելելով, որ միայն տարածաշրջանի հատուկ կարգավիճակի պահպանումը կարող է երաշխավորել նրանց իրավունքները։ Զատուլինը, միաժամանակ, հիշեցրել է, որ Ադրբեջանը և Թուրքիան մինչ օրս չեն ճանաչում 1915 թվականի Հայոց ցեղասպանությունը։
ՈՒՂԻՂ ԵԹԵՐ
Ամենադիտված 
«Լևոն արքայի» նկատմամբ որպես խափանման միջոց է ընտրվել տնային կալանքը (տեսանյութ)
