Մանկապարտեզի վերածված ավագանի. ՔՊ-ականները «հեղափոխում» են Թալինը

Եթե Հայաստանի Հանրապետության հպարտ քաղաքացիները օրերից մի օր ցանկանան բարձրացնել իրենց տրամադրությունները, ապա պետք է փաստենք, որ հատուկ սիթքոմների կարիք նրանք չեն ունենա: Բավական կլինի միայն հետևել Թալինի ավագանու նիստերին և բարձր տրամադրությունը ապահովված է:

Մի կողմից սա, իհարկե, լավ է, ինչպես ասում են՝ ուրախ է անցնում, մյուս կողմից ի ցույց է դրվում հայկական քաղաքական դաշտի ողջ սնանկությունը և ոչ պրոֆեսիոնալիզմը: Դիցուք՝ Թալինի նորընտիր ավագանին արդեն իսկ հասցրել է մի քանի նիստ հրավիրել, որոնց վրա մեկ հայացք նետելուց արդեն իսկ պարզ է դառնում, որ այնտեղ հավաքված և համայնքի խնդիրները լուծել պատրաստվող անձինք, մեղմ ասած, համայնքի կառավարման հետ որևէ աղերս չունեն։ Ավագանու անդամները անտեղյակ են նիստերի վարման կարգից, գրված օրենքներից։ Համայնքին վերաբերվող հարցերը նախապես համապատասխան հանձնաժողովներ ուղարկելու, այնտեղ քննարկումներ կազմակերպելու, եզրակացություններ տալու փոխարեն միանգամից այն մտցնում են նիստերի օրակարգ և հապճեպ, ինչպես ասում են՝ ոտքի վրա քննարկում, ընդունում: Ակնհայտ է, որ այսպես էլ համայնք են ղեկավարելու, իսկ մեկնաբանությունները թողնում ենք ձեզ: