Որդեգրված կինը տասնամյակներ անց վերամիավորվել է կենսաբանական հոր հետ
ԱյլՌեյչել Ռոբերթսոնը, ով ողջ կյանքն ապրել է իրեն որդեգրած ընտանիքում, տասնամյակներ անց վերամիավորվել է իր կենսաբանական հոր հետ: Այս մասին հայտնում է People-ը։
Կինը երբեք չի տեսել իր հորը՝ Քրիս Ռոզենֆոլին։ Ծնողները Ռոբերտսոնին որդեգրման են տվել նրա ծնվելուց անմիջապես հետո, քանի որ նրանք հետաքրքրված չեն եղել ամուսնությամբ և ընտանեկան կյանքով։ Երեք երեխա ունեցող Ռոզենֆոլի խոսքով՝ ինքը երբեք չի մոռացել իր առաջին դստեր մասին և երկար ժամանակ փորձել է գտնել նրան։
2019 թվականին նա կարողացավ գտնել Ռոբերտսոնին MyHeritage ծագումնաբանական կայքի միջոցով, որտեղ նրանք երկուսն էլ ուղարկել էին իրենց ԴՆԹ-ի նմուշները: «Ես գոռացի և հեռախոսը շպրտեցի սենյակով մեկ, ինչը վախեցրեց ամուսնուս»,- հիշում է կինը։ Հայր ու դուստր սկսել են շփվել, իսկ ավելի ուշ հանդիպել են։
Ռոզենֆոլը, ով շատ էր վախենում հանդիպման գնալուց, պարզել է, որ իր դուստրը «քաղցր, սիրող հոգի է, որը շատ ավելի վախեցած էր, քան ինքը»: Հենց սկսեցինք խոսել, պարզվեց՝ այնքան ընդհանուր բան ունենք։ Ես այնքան զվարճացա նրա հետ զրուցելուց, չնայած դեռ ցնցված էի », - ասում է Ռոբերտսոնը:
Կինը պնդում է, որ աներևակայելի երջանիկ է եղել հոր հետ վերամիավորվելու համար։ Գտնելով նրան, կինը վախենում էր, որ հայրը չի ցանկանա տեսնել իրեն, սակայն նրա վախերը չարդարացան: «Ես գիտեմ, որ որոշ իրավիճակներում որդեգրումը լավագույն ելքն է: Եվ ես ուրախ եմ, որ մայրիկ Ռոբերտսոնն ու ես նրան նվիրել ենք սիրող ընտանիքի: Եվ նույնիսկ ավելի երջանիկ եմ, որ նա և իր ընտանիքը վերադարձան իմ կյանք»,- ասում է Ռոզենֆոլը: