Հույս ունեմ, որ այսօր կկարողանանք քայլեր անել ղարաբաղյան հարցի կարգավորման ուղղությամբ. Պուտին

Ռուսաստանի նախագահ Վլադիմիր Պուտինը Հայաստանի վարչապետ Նիկոլ Փաշինյանի հետ հանդիպմանը ղարաբաղյան կարգավորման հարցում առաջընթացի հույս է հայտնել, գրում է Ռիա Նովոստին։

Ռուսաստանի, Հայաստանի և Ադրբեջանի ղեկավարները երկուշաբթի օրը Սոչիում եռակողմ հանդիպում են անցկացնում, որտեղ կքննարկեն ղարաբաղյան կարգավորման հարցը, ինչպես նաև կարող են գալ փաստաթղթի ընդունմանը, որը հիմք կհանդիսանա ապագա խաղաղության պայմանագրի համար։

«Այսօր մենք պետք է խոսենք այս բոլոր հարցերի շուրջ, և ես իսկապես հուսով եմ, որ մենք առաջ կգնանք։ Ես հույս ունեմ, որ այսօր մենք կկարողանանք առաջընթաց քայլեր անել կարգավորման ուղղությամբ», - ասել է Պուտինը Փաշինյանի հետ բանակցությունների ժամանակ։