Պուտինը հորդորել է խաղաղություն և կայունություն ապահովել Ղարաբաղում

ՌԴ նախագահ Վլադիմիր Պուտինը, խոսելով Լեռնային Ղարաբաղում իրավիճակի կարգավորման մասին, ասել է, որ ամենակարևորը խաղաղության և զարգացման պայմանների ապահովումն է, այդ թվում՝ տրանսպորտային ենթակառուցվածքների ապաշրջափակումը։
Ինչպես հայտնի է, Ռուսաստանի, Հայաստանի և Ադրբեջանի ղեկավարները երկուշաբթի օրը Սոչիում եռակողմ հանդիպում կանցկացնեն, որտեղ կքննարկեն ղարաբաղյան կարգավորման հարցը, ինչպես նաև կարող են գալ փաստաթղթի ընդունմանը, որը հիմք կհանդիսանա ապագա խաղաղության պայմանագրի համար։ Եռակողմ գագաթնաժողովից առաջ Պուտինը երկկողմ բանակցություններ է վարել Հայաստանի վարչապետ Նիկոլ Փաշինյանի հետ։

«Թույլ տվեք հիշել, թե ինչպես ձեռք բերվեց պայմանավորվածություն զինված հակամարտության դադարեցման ժամանակ։ Այն ժամանակ մենք բոլորս ելնում էինք նրանից, որ ամենակարևորը խաղաղության ապահովումն ու զարգացման պայմանների ստեղծումն է, այդ թվում՝ Հայաստանի տնտեսության զարգացման համար»,-հանդիպման ընթացքում ասել է Պուտինը։
Նա հավելել է, որ այս բոլոր հարցերը, այդ թվում՝ տրանսպորտային ենթակառուցվածքների ապաշրջափակումը, կապված են տնտեսության և սոցիալական ոլորտի զարգացման հետ։ «Վերջին հաշվով, սա այն է, ինչի համար մենք աշխատում ենք՝ ելնելով ժողովրդի շահերից»,- ասել է Պուտինը։