ԱՄՆ-ում խոսել են թուրքական «Altay» տանկի արտադրության հետ կապված խնդիրների մասին

Թուրքիան նախապատրաստում է առաջին «Altay» տանկերի արտադրությունը, սակայն տեխնիկական լուրջ խնդիրներ կան։ Այս մասին հայտնում է Defense News ամերիկյան հրատարակությունը՝ հղում անելով իր աղբյուրին։

«Կան լուրջ տեխնիկական և այլ խնդիրներ»,- ասել է նա։

Նշվում է, որ Անկարան բանակցություններ է վարում «Altay» տանկի համար հարավկորեական արտադրության 100 շարժիչների և փոխանցման տուփերի գնման շուրջ։ Այնուամենայնիվ, արդյունաբերության աղբյուրը հայտնել է, որ բանակցություններում առաջընթաց չկա:

BMC ընկերությունը, որը կարտադրի «Altay»-ը, հայտնել է, որ Թուրքիան առաջին տանկերը կստանա 2023 թվականին։ Ընկերության գլխավոր մենեջեր Մեհմեթ Կարաասլանը հայտնել է, որ ընկերությունը նախատեսում է ամսական ութ տանկ մատակարարել մեքենաների առաջին խմբաքանակի պատվերի շրջանակներում։

BMC-ն պայմանագիր է ստացել 2018 թվականին 250 «Altay» տանկ ստեղծելու համար։ Ընկերությունը կսպասարկի նաև արտադրված մեքենաները և կստեղծի տանկային համակարգերի տեխնոլոգիական կենտրոն։ Թուրքիան նախատեսում է արտադրել 1000 ««Altay»» տանկ: