Ի՞նչ չի համաձայնեցվել Ադրբեջանի և Հայաստանի ղեկավարների հանդիպմանը. հարց՝ Պուտինին

«Կարելի՞ է դրա մասին ասել, կարելի է, բայց պետք չէ», - այս մասին ասել է ՌԴ նախագահ Վլադիմիր Պուտինը՝ պատասխանելով լրագրողի հարցին, թե ինչ չի համաձայնեցվել Ադրբեջանի և Հայաստանի ղեկավարների հանդիպմանը:

Ռուսաստանի Դաշնության նախագահը բացատրել է, որ խոսքը երկու կողմերի համար զգայուն բաների մասին է։ Դրանց շուրջ համաձայնության պետք է գալ հանգիստ, փակ դռների հետևում, առանց մամուլի ուշադրությունը իրենց վրա հրավիրելու։

«Ես ինձ իրավասու չեմ համարում առանց գործընկերների համաձայնության բարձարձայնել այս հարցերը», - ասել է նա: