Ուկրաինայի բոլոր շրջաններում օդային տագնապը չեղարկվել է

Օդային հարձակման նախազգուշացումը, որն առավոտյան հայտարարվել էր ողջ Ուկրաինայում, չեղարկվել է։ Այս մասին են վկայում պարբերականի պաշտոնական ռեսուրսի տվյալները, գրում է Gazeta-ն։

Նոյեմբերի 1-ին առաջին օդային հարձակման ահազանգերը ստացվել են ժամը 9:11-ին (Երևանի ժամանակով՝ 11:11-ին): Նույն պահին Կիևի վարչակազմը օդային տագնապ է հայտարարել քաղաքում։ Բնակիչներին խնդրել են շտապ գնալ ապաստարաններ։

Հոկտեմբերի 31-ի առավոտյան Ուկրաինայի մի քանի շրջանների իշխանությունները հայտնել են նոր պայթյունների մասին։ Օդային տագնապ է հայտարարվել Կիևում, Օդեսայում, Դնեպրում և երկրի այլ շրջաններում։ Կիևի քաղաքապետ Վիտալի Կլիչկոն ասել է, որ հարվածները հասցվել են քաղաքի կարևոր ենթակառուցվածքին։ Ուկրաինայի նախագահի գրասենյակը նախազգուշացրել է ամբողջ երկրում էլեկտրաէներգիայի նոր անջատումների մասին։

Հոկտեմբերի 10-ին Ռուսաստանի Դաշնության զինված ուժերը սկսել են հարվածներ հասցնել Ուկրաինայի ենթակառուցվածքներին։ ՌԴ նախագահ Վլադիմիր Պուտինի խոսքով՝ սա պատասխան էր «Կիևի ռեժիմի ահաբեկչական գործողություններին»։