Ավտովթար Երևանում․ Mazda 6-ը Իսակովի պողոտայում բախվել է երկաթե էլեկտրասյանը

Այսօր՝ նոյեմբերի 1-ին, ավտովթար է տեղի ունեցել Երևանում։ Ժամը 11։30-ի սահմաններում Mazda 6 մակնիշի ավտոմեքենան Իսակովի պողոտայում դուրս է եկել ճանապարհի երթևեկելի գոտուց և բախվել երկաթե էլեկրասյանը։

Ինչպես դեպքի վայրից հայտնում է Shamshyan.com-ը, վթարի հետևանքով վարորդին ավտոմեքենայից դուրս են բերել օպերատիվորեն ժամանած Արտակարգ իրավիճակների նախարարության Փրկարար ծառայության Երևանի հրշեջ-փրկարարական ջոկատի հրշեջ-փրկարարները և մոտեցրել օպերատիվորեն ժամանած շտապօգնության ավտոմեքենային։ Բժիշկները մինչև թիվ 1 համալսարանական հիվանդանոց տեղափոխելը, տեղում առաջին բուժօգնությունն են ցուցաբերել վիրավորին։ 

 Պարեկային ծառայությունն ու քննչական բաժինը պարզում են վարորդի ինքնությունը։  Ըստ նախնական տեղեկությունների՝ վթարի պատճառներից մեկը վարորդի ինքնազգացողության վատացումն է եղել։ Քննիչի հանձնարարականով՝ ավտոմեքենան տեղափոխվում է Պարեկային ծառայության Երևանի գնդի պահպանվող հատուկ տարածք։