Կրակոցը նորմալ բան է նույնիսկ Իսրայելում. կարող է վաղը ես լինեմ զոհը, և ես պատրաստ եմ դրան. Վահան Քերոբյան

Մենք բոլորս հիմա պետք է ապրենք՝ հաշվի առնելով նոր նորմալ իրավիճակը։ Կառավարությունն անում է ամեն ինչ, որպեսզի անվտանգային միջավայրը օրըստօրե բարելավվի, բայց պետք է նաև նկատի ունենալ, որ մենք հիմա ապրում ենք նոր նորմալ միջավայրում, որտեղ ամեն օր կարող է ինչ-որ բան տեղի ունենալ: Այս մասին խորհրդարանում հայտարարել է էկոնոմիկայի նախարար Վահան Քերոբյանը:

Լրագրոցի հարցին՝ նորմա՞լ են դարձել ամենօրյա կրակոցերը, Քերոբյանն արձագանքեց. «Իսկ ձեզ համար դա չի՞ դարձել նորմալ բան: Կրակոցը նորմալ բան է նույնիսկ Իսրայելում, որի տնտեսությունը զարգանում է շատ բարձր տեմպերով։ Պետք է փորձենք այնպես անել, որպեսզի կրակոցների միջավայրում կարողանանք զարգացնել մեր տնտեսությունը և օրեցօր երկիրը դարձնել ավելի ապահով։ Ես ցավակցում եմ բոլոր զոհերի ընտանիքներին, բայց կարող է վաղը ես լինեմ զոհը, և ես պատրաստ եմ դրան»,- ասաց Վահան Քերոբյանը։