Դմիտրի Մեդվեդևն ասել է, թե որ դեպքում Ռուսաստանը միջուկային զենք կկիրառի

Միայն Ուկրաինայում Ռուսաստանի ամբողջական և վերջնական հաղթանակն է համաշխարհային հակամարտությունից պաշտպանվելու երաշխիքը։ Այս մասին երեքշաբթի օրը Telegram-ի իր ալիքում գրել է ՌԴ Անվտանգության խորհրդի փոխնախագահ Դմիտրի Մեդվեդևը։

«Եկեք իրերն իրենց անուններով կոչենք: Արևմտյան երկրներն աշխարհին մղում են գլոբալ պատերազմի: Եվ միայն Ռուսաստանի ամբողջական և վերջնական հաղթանակն է երաշխիք համաշխարհային հակամարտության դեմ»,- գրել է քաղաքական գործիչը:

Մեդվեդևն իր բաժանորդներին հրավիրել է հետևել «պարզ ֆորմալ տրամաբանությանը»: «Եթե Ռուսաստանը չէ, որ հաղթում է, ապա, ըստ երևույթին, Ուկրաինան է: Պատերազմում Ուկրաինայի նպատակն ասվել է Կիևի ռեժիմի կողմից` նախկինում իրեն պատկանող բոլոր տարածքների վերադարձը: Այսինքն` դրանց պոկելը Ռուսաստանից: Սա սպառնալիք է մեր պետության գոյությանը և այսօրվա Ռուսաստանի փլուզմանը»,- հայտարարել է նա։

Մեդվեդևը եզրակացրել է, որ նման դասավորվածությունն ուղղակի պատճառ է միջուկային զսպման ոլորտում Ռուսաստանի Դաշնության պետական ​​քաղաքականության հիմունքների 19-րդ կետի կիրառման համար: «Եվ հետո ո՞վ է պլանավորում միջուկային հակամարտություն, ինձ տեղյակ պահեք, ի՞նչ է սա, եթե ոչ միջուկային զենքի կիրառմամբ համաշխարհային պատերազմի ուղղակի հրահրում»,- հռետորական հարց է ուղղել նա: