Բրիտանիայում թոշակառուն կես մետրանոց հսկա առնետ է բռնել
ԱյլՄեծ Բրիտանիայում Բլեքբերնի 82-ամյա բնակիչն իր այգում հսկայական 18 դյույմանոց առնետ է բռնել։ Այս մասին հայտնում է Daily Star-ը։
Թոշակառու Դերեկ Բլամիրը պայքարում է կրծողների դեմ, որոնք տարիներ շարունակ ներխուժում են իր տարածք: Այնուամենայնիվ, նա առաջին անգամ է հանդիպել այս չափի առնետի։
«Ես այստեղ ապրել եմ մոտ յոթ տարի և 50-ից ավելի առնետ եմ բռնել: Երբեմն ես թունավորում եմ նրանց, երբեմն թակարդով եմ բռնում։ Եթե շարունակեն գալ, ես կբռնեմ նրանց։ Ես չեմ պատրաստվում հանձնվել»,- ասել է բրիտանացին։
Մասնագետները կարծում են, որ կրծողների ներխուժման մեղավորը հենց տղամարդն է. բրիտանացին սիստեմատիկ կերակրում է թռչուններին, իսկ սննդի հոտը կարող է գրավել առնետներին։
«Մեկ շաբաթով դադարում եմ թռչուններին կերակրել, որպեսզի առնետները մի քիչ քաղցած մնան և ավելի հեշտ բռնվեն։ Ես թռչուններին մեկ շաբաթ չէի կերակրում, կրծողները քաղցած էին և թակարդն ընկան այն բանից հետո, երբ դրանց մեջ մի քանի խաշած հավ դրեցի», - ասել է տղամարդը: