Պուտինը Էրդողանի հետ խոսել է միջուկային զենքի մասին

Ռուսաստանի նախագահ Վլադիմիր Պուտինը թուրք գործընկեր Ռեջեփ Թայիփ Էրդողանին վստահեցրել է, որ միջուկային զենք կիրառելու պլաններ չունի։ Թուրքիայի նախագահի խոսնակ Իբրահիմ Քալընը ասել է, որ Էրդողանը Պուտինին համոզում է «հնարավորինս նվազեցնել էսկալացիան», հայտնում է Անատոլիական գործակալությունը։

Ըստ նրա, մինչ այժմ «կողմերից ոչ մեկը պատերազմում հաղթողի տեսք չունի»՝ ճակատում առաջընթացի բացակայության պատճառով։ Քալընը հավելել է, որ Թուրքիան ևս մեկ անգամ կոչ է արել Ռուսաստանին և Ուկրաինային վերադառնալ բանակցություններին։