Թեհրանը Կիևին կոչ է անում համատեղ ուսումնասիրել Ուկրաինայում իրանական ԱԹՍ-ների կիրառման վերաբերյալ տվյալները

Իրանի արտգործնախարարության խոսնակ Նասեր Քանանին ասել է, որ Թեհրանը Կիևին կոչ է անում փորձագիտական ​​մակարդակով երկկողմ հանդիպում անցկացնել՝ ուսումնասիրելու Ուկրաինայում իրանական անօդաչու թռչող սարքերի կիրառման տվյալները։ Այս մասին հայտնում է ՏԱՍՍ-ը։

«Էմոցիոնալ հայտարարություններն ու անհիմն մեղադրանքները չեն նպաստում ուկրաինական ճգնաժամի կարգավորմանը։ Իրանի դեմ ուղղված անհիմն պնդումներ անելու փոխարեն՝ այս երկրի իշխանությունները պետք է արձագանքեն մեր կառուցողական առաջարկներին և փորձագիտական ​​մակարդակով երկկողմ հանդիպում անցկացնեն՝ փաստաթղթային ապացույցներն ուսումնասիրելու համար (Ուկրաինայում իրանական անօդաչու թռչող սարքերի օգտագործման փաստերը)»,- ասել է Քանանին։ 

Ավելի վաղ Իրանի արտաքին գործերի նախարարը հայտարարել էր, որ Թեհրանը զենք չի ուղարկում ուկրաինական հակամարտության կողմերին։ Նրա խոսքով՝ Իրանի արտաքին քաղաքականությունը հիմնված է ռազմական գործողությունների մերժման վրա։