Իլոն Մասկը չեղարկել է Twitter-ի աշխատակիցների լրացուցիչ հանգստյան օրերը

Tesla-ի և SpaceX-ի հիմնադիր Իլոն Մասկը չեղարկել է լրացուցիչ հանգստյան օրերը Twitter-ի աշխատակիցների համար: Այս մասին հայտնում է Bloomberg-ը՝ հղում անելով աղբյուրներին։

Նշվում է, որ ձեռնարկատերը մտադիր է նաև չեղարկել հեռավար աշխատանքի հնարավորությունը և ապահովել, որ կրճատումներից խուսափած աշխատակիցները լրիվ դրույքով վերադառնան գրասենյակ:

Գործակալության տվյալներով՝ ընկերության աշխատակիցների համար լրացուցիչ ամսական հանգստյան օր էր մտցվել COVID-19 համաճարակի ժամանակ։