Հասանովն այցելել է Հայաստանի հետ սահմանին տեղակայված զորամասեր, տվել հանձնարարականներ

Նոյեմբերի 4-ին Ադրբեջանի պաշտպանության նախարար գեներալ-գնդապետ Զաքիր Հասանովը և նախարարության այլ բարձրաստիճան պաշտոնյաներ Ադրբեջանի նախագահ Իլհամ Ալիևի անունից այցելել են Հայաստանի հետ սահմանին՝ Արցախի օկուպացված տարածքներում, տեղակայված զորամասեր։

Այս մասին հայտնում են Ադրբեջանի ՊՆ-ից։

«Հասանովը ծանոթացել է նոր շահագործման հանձնված զորամասում ստեղծված պայմաններին։ Նախարարին զեկուցվել է, որ զորամասն ունի բոլոր անհրաժեշտ պայմանները զինվորական ծառայությունը բարձր մակարդակով կազմակերպելու համար։

Անձնակազմի կենցաղային պայմանները ստուգելուց հետո Զ.Հասանովը ծանոթացել է մարտական ​​դիրքերում ծառայող զինծառայողների պաշտոնական գործունեությանը։

Պաշտպանության նախարարը զեկուցվել է օպերատիվ իրավիճակի մասին։

Զաքիր Հասանովը համապատասխան հանձնարարականներ է տվել զորքերի մարտական ​​հերթապահության և ծառայության կազմակերպման, զինծառայողների սոցիալ-կենցաղային պայմանների հետագա բարելավման վերաբերյալ»,- ասված է հաղորդագրությունում։