Իրինա Շեյքը Հելոուինի երեկույթից «անկեղծ» լուսանկարներ է ցուցադրել Բրեդլի Կուպերի հետ

Նախկին սիրահարներ Իրինա Շեյքն ու Բրեդլի Կուպերը միասին նշել են Հելոուինը։ Այս մասին հայտնում է Daily Mail-ը։

Իրինա Շեյքը Instagram-ի իր էջում մի շարք անկեղծ լուսանկարներ է հրապարակել Հելոուինի երեկույթից։ Սուպերմոդելը վերամարմնավորվել է՝ որպես 1950-ականների ամերիկյան մոդել՝ «pin-up թագուհի» Բեթի Փեյջի կերպարով։ Նա կրում էր կիսաթափանցիկ բոդի, ձեռնոցներ և գուլպաներ՝ արտաքինը լրացնելով պարիկով և մտրակով:

Հրապարակված նկարներից մեկում Իրինա Շեյքը կեցվածք է ընդունել՝ արջի հագուստով Բրեդլի Կուպերի գրկին։ Ինչպես նշում է Daily Mail-ը, հենց նա է թաքնվել գիշատչի կոստյումի մեջ։

Սա առաջին դեպքը չէ, երբ նախկին սիրահարները վերամիավորման մասին լուրեր են բորբոքում: Օգոստոսին նրանք միասին հանգստացել են Բահամյան կղզիներում, իսկ հոկտեմբերին մի քանի անգամ հայտնվել են պապարացիների օբյեկտիվների մեջ՝ իրենց դստեր հետ զբոսնելիս և խնջույքների ժամանակ։

Իրինա Շեյքի և Բրեդլի Կուպերի հարաբերությունների մասին հայտնի դարձավ 2015 թվականի գարնանը։ Երկու տարի անց՝ 2017 թվականի մարտի 21-ին, սուպերմոդելն ու դերասանը դուստր են ունեցել, ում անվանել են Լիա։ Զույգը նշանվել է և, դատելով ինսայդերների տեղեկություններից, պատրաստվում էր ամուսնանալ, սակայն բաժանվել է 2019 թվականի գարնանը։

Բաժանվելուց հետո Իրինա Շեյքին կասկածում էին Քանյե Ուեսթի հետ հարաբերություններ ունենալու մեջ, իսկ Բրեդլի Կուպերին վերագրվում էր սիրավեպ «Աստղ է ծնվել» ֆիլմում իր գործընկերոջ՝ Լեդի Գագայի հետ: Հուլիսին տեղեկություններ հայտնվեցին, որ դերասանը հանդիպում է Հիլարի Քլինթոնի օգնական Հումա Աբեդինի հետ։