Բուժքույրը անդամահատել է մահամերձ հիվանդի ոտքը՝ առանց նրա համաձայնության՝ խրտվիլակների ցուցադրության համար

ԱՄՆ Վիսկոնսինում բուժքույրը անդամահատել է մահացող հիվանդի ցրտահարված ոտքը՝ առանց նրա համաձայնությունը ստանալու։ Ամերիկուհի ցանկացել է օրգանը տեղադրել խրտվիլակների խանութում, որը պատկանում է իր ընտանիքին։ Այս մասին հայտնում է New York Post-ը։

Ըստ քննիչների՝ դեպքը տեղի է ունեցել 2022 թվականի մայիսի 27-ին Սփրինգ Վելլի բնակավայրի բժշկական կենտրոնում։ Տղամարդը ոտքերի ցրտահարություն էր ստացել դեռ մարտին, սակայն 2 ամիս անց բժիշկները հասկացել են, որ տուժածին փրկել չի հաջողվի։

Մերի Բրաունը անդամահատել է տղամարդու ոտքը՝ առանց նրա համաձայնությունը ստանալու։ Վիրահատությանը ներկա մեկ այլ բուժքույր ասել է, որ կինը ցանկացել է ցուցադրության հանել հիվանդի ոտքը՝ «կոշիկներ հագեք, երեխաներ» ցուցանակով։

Բժշկական կենտրոնի գլխավոր տնօրենը հայտնել է, որ Բրաունն արդեն ազատվել է աշխատանքից։

«Մենք լիովին համագործակցել ենք և կշարունակենք համագործակցել այս գործի հետաքննության հետ։ Նշված անձը մեր հիմնարկում չի աշխատում»,- բացատրել է տղամարդը։

Կնոջ դատավարությունը տեղի կունենա 2022 թվականի դեկտեմբերի 6-ին։ Ամերիկուհուն սպառնում է մինչև 40 տարվա ազատազրկում։

Այս թեմայով Բժիշկը որոշ մարդկանց կոչ է արել հրաժարվել սպիտակ բրնձից Հայկուհի Գեոկչյան. Կրծքագեղձի քաղցկեղի չորրորդ փուլում հայտնաբերման դեպքերը խիստ նվազել են Բժիշկը խորհուրդ է տվել մրսածության ժամանակ հրաժարվել որոշ մթերքներից «Զարգացնում ենք սցենարը՝ քննարկելով այն բժիշկների, 44-օրյայի մասնակիցների հետ». Ջիվան Ավետիսյան (լուսանկարներ) «Թիմերում աշխատող բժիշկները պետք է նորմալ վարձատրվեն, որպեսզի ցանկություն ունենան գալ սպորտային բժշկության ոլորտ». հավաքականի բժիշկ