Ամերիկացին վիճաբանել է ընկերուհու հետ ու գնդակահարել նրան ու նրա երեք հարազատներին
ԱյլԱՄՆ Ֆլորիդայում 23-ամյա երիտասարդը գնդակահարել է ընկերուհուն ու նրա երեք հարազատներին և փորձել ինքնասպան լինել։ Այս մասին հայտնում է New York Post-ը։
Միջադեպը տեղի է ունեցել 2022 թվականի նոյեմբերի 4-ի վաղ առավոտյան Օրենջ շրջանում։ Տեղի ոստիկանության տվյալներով՝ երիտասարդ ամերիկացին վիճաբանել է իր ընկերուհու հետ, իսկ մի քանի ժամ անց ներխուժել է նրա ընտանիքի տուն ու ատրճանակով կրակել մոր, քրոջ ու 4-ամյա զարմուհու վրա։
Բացի մահացածներից, տանը ևս երկու երեխա է եղել, սակայն նրանց հաջողվել է թաքնվել ծածկոցների տակ և ողջ մնալ։ Դրանից հետո ամերիկացին փախել է մոտակա տուն ու փորձել ինքնասպան լինել։
Դեպքի վայր ժամանած ոստիկաններն ու շտապօգնության աշխատակիցները կրակողին տեղափոխել են հիվանդանոց։ Նշվում է, որ ավելի վաղ երիտասարդը պատասխանատվության չի ենթարկվել՝ բացառությամբ մեկ իրավախախտման։