Գիտնականները նշել են սպորտի այն տեսակը, որը կանանց մոտ մեծացնում է ցանկությունը և հեշտացնում օրգազմ ստանալը

Թուրքիայի Սաքարյա համալսարանի գիտնականները պարզել են, որ կանայք, ովքեր կանոնավոր կերպով հաճախում են պիլատեսի պարապմունքների, ավելի հեշտ են գրգռվում և ավելի շատ օրգազմ են ստանում։ Աշխատանքը հրապարակվել է իսպանական Revista Internacional de Andrología ամսագրում։

Թուրքիայի Սաքարյա համալսարանի ուրոլոգները հետազոտությանը մասնակցելու համար ներգրավել են 20-ից 50 տարեկան 36 կանանց, ովքեր սեռական հարաբերությունների մեջ են եղել առնվազն երեք ամիս և ունեցել են կանոնավոր դաշտան: Բոլոր մասնակիցները տառապում էին կանանց սեռական դիսֆունկցիայից, որոնց ախտանիշները կարող են ներառել սեռական ցանկության բացակայություն, գրգռման կամ օրգազմի դժվարություն և ցավ սեքսի ժամանակ:

Մասնակիցները երեք ամիս շարունակ շաբաթը երկու անգամ մեկ ժամ տևողությամբ պիլատեսի պարապմունքների էին մասնակցում և ձեռնպահ մնում որևէ այլ վարժությունից, ինչպես նաև լրացնում էին հարցաթերթիկներ պարապմունքից առաջ և հետո:

Պիլատեսի պարապմունքները կանանց ինքնագնահատականը բարձրացրել են 12-ից մինչև 29 միավոր (95 բալանոց սանդղակով): 26-ից ցածր միավորը համարվում է կանանց սեռական դիսֆունկցիայի նշան: Նրանց ցանկության մակարդակը բարելավվել է 136%-ով, օրգազմների թիվն աճել է 140%-ով, իսկ սեքսի ժամանակ ցավը նվազել է 116%-ով։ Դեպրեսիվ ախտանիշների գնահատականը 25-ից իջել է 14 միավորի (63 բալանոց սանդղակով):

Նախորդ հետազոտությունները ցույց են տվել, որ պիլատեսը բարելավում է տրամադրությունը, կյանքից բավարարվածությունը և առողջությունը, ինչը կարող է բացատրել նոր արդյունքները: Նախկինում նաև ապացուցվել է, որ ֆիզիկական ակտիվության ցածր մակարդակը կապված է սեռական դիսֆունկցիայի բարձր ռիսկի հետ:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)