Որոշ քաղաքագետներ կեղծ հույսեր ու կեղծ վախեր են ներշնչում. Դա կարծես գործող իշխանության տրամաբանության մեջ է. Դանիելյան

Ներկայումս աշխարհում գնում է մեծ մրցակցություն, նույնիսկ պատերազմ Ռուսաստանի եւ Ուկրաինայի միջեւ, կա նաեւ Չինաստանի խնդիր. Մենք ստիպված ենք հետեւել այդ գործընթացներին, որովհետեւ մեր ճակատագիրը, շատ դեպքերում, կախված է այդ խրոցեսներից: Այս մասին, այսօր՝ նոյեմբերի 7-ին, «Տարածաշրջանային զարգացումներ. Արցախ-Հայաստան» խորագրով քննարկման ժամանակ նշեց  քաղաքագետ Ստեփան Դանիելյանը:

«Հայաստանում կան լրատվամիջոցներ, փորձագետներ, որոնք կարծես թե հատուկ խեղաթյուրում են իրականությունը եւ հասարակության մոտ կեղծ պատկերացումներ են ստեղծում այդ գործընթացների վերաբերյալ: Կեղծ հույսեր ու կեղծ վախեր են ներշնչում: Կարծես դա գործող իշխանության տրամաբանության մեջ է, որովհետեւ 2018-ին գալով իշխանության հասարակությունը բաժանեցին հատվածների, հիմա կարծես դրա շարունակությունն է տեղի ունենում, եւ այդ տրամաբանությամբ փորձում են բաժանել աշխարհը, որ աշխարհի մի մասը սեւ է, մյուս մասը՝ սպիտակ: Այդ սեւ-սպիտակի մեջ փորձում են արդարացնել իրենց ձախղումները:

Այդ սեւ-սպիտակի բաժանումներն իրենց շարունակությունն են ունենում եւ մի ամբողջ ինդուստրիա է աշխատում այդ ուղղությամբ»,-ասաց նա:

Քաղաքագետը նկատեց, որ ԱՄՆ-ում ազգային անվտանգության նոր ռազմավարություն է ընդունվել, որտեղ Ռուսաստանը նշվում է որպես սպառնալիք, Չինաստանը՝ որպես մրցակից. «Այդ սպառնալիքի դեմ իրենք պայքար են տանում եւ այդ պայքարը նաեւ Հայաստանում է գնում: Այդ պայքարը նաեւ Իրանի դեմ է գնում, այսինքն մեր բոլոր հարեւանները ներգրավված են այդ պայքարի մեջ: Մենք պետք է փորձենք հասկանալ, թե ինչ է կատարվում»: