Սեքսապաթոլոգը արտասովոր խորհուրդներ է տվել կանանց «քնած» լիբիդոյին արթնացնելու վերաբերյալ

Նվազեցված սեռական ցանկությունը կարելի է արթնացնել տարբեր մեթոդներով, օրինակ՝ «Կինդեր սյուրպրիզ»-ով կամ տաք լոգանքով, ասել է սեքսապաթոլոգ Անաստասիա Յախոնտը։ Նա Life-ին տված հարցազրույցում արտասովոր խորհուրդներ է տվել կանանց «քնած» լիբիդոյին արթնացնելու վերաբերյալ։

Նրա խոսքով, անհանգստացնող մտքերի, հորմոնների, վերջերս ծննդաբերության պատճառով լիբիդոյի նվազման դեպքում չպետք է ճնշում գործադրեք ինքներդ ձեզ վրա և ստիպեք սեռական հարաբերություն ունենալ ուժի միջոցով։ Նա կանանց խորհուրդ է տվել հոգ տանել իրենց, իրենց մարմնի և հոգեկան հանգստության մասին:

«Մնա մենակ, քեզ համար տոն ստեղծիր, գնա ինչ-որ տեղ, գեղեցիկ հագնվիր, գեղեցիկ խոսքեր ասա քեզ հայելում, ծաղիկներ գնիր քեզ համար, ինչու ոչ, գնիր նոր բուրմունք, թեկուզ փոքրիկ կախազարդ, նույնիսկ «Կինդեր սյուրպրիզ»: Եվ օրվա վերջում պառկեք փրփուրով լցված տաք լոգարանում, վառեք մոմեր, միացրեք երաժշտությունը և շոյեք ինքներդ ձեզ, խոսեք ինքներդ ձեզ հետ, լաց եղեք, մտածեք ձեր մասին, դուք տիեզերքի ձեր կենտրոնն եք»,- խորհուրդ է տվել Յախոնտը։ 

Սեքսապաթոլոգը խորհուրդ է տվել չմոռանալ նախախաղի մասին և չկախվել օրգազմից։ «Հաճախ մենք կենտրոնանում ենք օրգազմի վրա, վերջնագծին հասնելու վրա, և այդ ժամանակ սեքսը հաջողված ենք համարում։ Իսկ հիմա փորձեք վայելել ընթացքը, մտածեք, թե որտեղ է ամենից հաճելի, որտեղ եք ուզում շոյել ձեր մարմինը, որտեղ այն այրվում է կրակով։ Ապրեք այս սենսացիաների պահով, հիշեք դրանք»,- ասել է սեքսապաթոլոգը։

Բացի այդ, նա խորհուրդ է տվել կարդալ էրոտիկ գրականություն և չհրաժարվել սեռական երևակայությունների իրականացումից և սեքս-խաղալիքների գնումներից։