Արևմուտքը Կոսովոյի շուրջ ստեղծված իրավիճակը մղում է ուղիղ հակամարտության. ՌԴ ԱԳՆ

Ռուսաստանի Դաշնության արտաքին գործերի նախարարության պաշտոնական ներկայացուցիչ Մարիա Զախարովան ասել է, որ Ռուսաստանը անհանգստացած է Կոսովոյի շուրջ սրացումներից, արևմտյան երկրները իրավիճակը մղում են ուղիղ հակամարտության՝ քայլեր չձեռնարկելով վերջ դնելու արմատականների​​՝ Կոսովոյի ալբանացիների սադրանքներին: Այս մասին հայտնում է գերատեսչության կայքը։

Հայտարարության մեջ Զախարովան նշել է, որ ՌԴ ԱԳՆ-ն անհանգստացած է Կոսովոյի շուրջ իրավիճակի սրմամբ, որտեղ Պրիշտինայի իշխանությունները սրում են լարվածությունը՝ ի դեմս Վաշինգտոնի և նրա եվրոպացի դաշնակիցների, իրենց հոգաբարձուների թողտվությամբ կամ նույնիսկ անմիջական աջակցությամբ։

Զախարովայի խոսքով՝ Արևմուտքը իրավիճակը մղում է դեպի ուղիղ հակամարտություն՝ առանց որևէ արդյունավետ քայլ ձեռնարկելու Կոսովոյի ալբանացի արմատականների սադրանքներին վերջ տալու համար։