Շվեյցարիայի բնակչուհին րոպեների ընթացքում երեք անգամ ընկել է իր ավտոմեքենայի անիվների տակ

Շվեյցարիայի Սանկտ Գալլեն քաղաքի բնակչուհին չի անջատել մեքենայի շարժիչը և րոպեների ընթացքում երեք անգամ ընկել է անիվների տակ։ Այն մասին, թե ինչպես է տուժողին երեք անգամ վրաերթի ենթարկել սեփական մեքենան, գրում է Insider-ը։

Ոստիկանության տվյալներով՝ դեպքը տեղի է ունեցել հինգշաբթի՝ նոյեմբերի 3-ին։ 45-ամյա կինը մեքենան կայանել է թեքության վրա և դուրս եկել բեռնախցիկից ինչ-որ բան հանելու՝ շարժիչը թողնելով միացված։ Ինչ-որ պահի մեքենան սկսել է ցած շարժվել, կինը փորձել է կանգնեցնել այն, սակայն ի վերջո ընկել է գետնին ու հայտնվել անիվների տակ։

Հետո մեքենան մխրճվել է մեկ այլ մեքենայի մեջ, շարժվել հակառակ ուղղությամբ ու կրկին տապալել կնոջը, ով հազիվ էր հասցրել ուշքի գալ առաջին բախումից հետո։ Դրանից հետո մեքենան հարվածել է մայթին, ապա երրորդ անգամ բախվել կնոջը։ Արդյունքում կինը ողջ է մնացել, սակայն բազմաթիվ վնասվածքներ է ստացել։

Մեքենան ի վերջո կանգ է առել՝ բախվելով փայտե ցանկապատին։ Դեպքի վայր ժամանած ոստիկանությունը շտապօգնություն է կանչել, որը տուժածին ծանր վիճակում տեղափոխել է հիվանդանոց։

Այս թեմայով Առևանգել էին Արցախից բռնահանված քաղաքացու «ԿամԱԶ»-ը, որով նա հանապազօրյա հացի խնդիր էր լուծում Երևան-Երասխ ճանապարհին «Infinity»-ն դուրս է եկել երթևեկելի գոտուց և գլխիվայր շրջվել. 1 հոգի տեղափոխվել է հիվանդանոց Երևանում բախվել են BMW-ն, Mercedes-ը և Mazda CX-30-ը. կան վիրավորներ Բախվել են ավտոմեքենաներ. կան տուժածներ Խոշոր ու շղթայական վթար՝ Երևանում. բախվել են «Mercedes G 500»-ը, «BMW»-ն, «Toyota»-ն և «Opel»-ը, վիրավnր կա