Ֆրանսիայի Սենատի նախագահի տեղակալն իր աջակցությունն է հայտնել Հայաստանին և հայ ժողովրդին
Արտաքին Քաղաքական
ԱԺ փոխնախագահ Հակոբ Արշակյանը ֆեյսբուքյան էջում լուսանկար է հրապարակել Փարիզում կայացած հանդիպումից և կից գրառում արել.
«Այսօր Փարիզում հանդիպեցի Ֆրանսիայի Սենատի նախագահի առաջին տեղակալ Ռոժե Կարուչիին:
Սենատի փոխնախագահը վերահաստատեց Ֆրանսիայի, և մասնավորապես, Սենատի համերաշխությունը և աջակցությունը Հայաստանին և հայ ժողովրդին:
Շնորհակալություն հայտնեցի ջերմ ընդունելության համար և բարձր գնահատեցի Ֆրանսիայի հասցեական սկզբունքային և անաչառ դիրքորոշումն ինչպես 2020 թ. 44-օրյա պատերազմի, այնպես էլ սեպտեմբերյան ագրեսիայի ժամանակ և դրան հաջորդող շրջանում:
Մանրամասն ներկայացրեց սեպտեմբերի 13-ի ադրբեջանական ագրեսիայի Հայաստանի ինքնիշխան տարածք ներխուժման հետևանքները, ընթացող բանակցային գործընթացը և ադրբեջանական իշխանությունների` Հայաստանի ինքնիշխան տարածքի նկատմամբ նկրտումները:
Բարձր գնահատելով ադրբեջանական վերջին ագրեսիան դատապարտող բանաձևի մշակումը և նոյեմբերի 15֊ին նախատեսվող քվեարկվության նախաձեռնությունը՝ միևնույն ժամանակ ընդգծեցի Հայաստանի հանրապետությանը աջակցության ցուցաբերման կարևորությունը, ինչը կնպաստի տարածաշրջանում հավասարակշռության և կայուն խաղաղության հաստատմանը:
Հանդիպման ավարտին գործընկերոջս հրավիրեցի այցելել Հայաստան»:
ՈՒՂԻՂ ԵԹԵՐ
Ամենադիտված 
Պատմական հաղթանակ․ Հայաստանը դարձավ աշխարհի առաջնության մեդալային հաշվարկի հաղթող
