Մորուքով կինը դադարել է սափրվել՝ համացանցում վիրավորանքների պատճառով

Անետ Լոուրենսը, Անգլիայի Բուքինգհեմշիր քաղաքից, դադարել է սափրել իր մորուքը՝ համացանցում վիրավորանքների պատճառով։ Այս մասին հայտնում է Newsweek-ը։

Առողջական խնդիրները Լոուրենսի մոտ սկսվել են սեռական հասունացման ժամանակ: Նա ավելորդ քաշ և պզուկներ ուներ, ինչի պատճառով հասակակիցների կողմից անընդհատ բռնության էր ենթարկվում: 19 տարեկանում աղջիկն իմացավ, որ ունի ձվարանների պոլիկիստոզային համախտանիշ՝ վերարտադրողական տարիքի կանանց մոտ էնդոկրին խանգարում, որն առաջացնում է գիրություն, պզուկներ, մեծացնում է շաքարախտի զարգացման վտանգը, ինչպես նաև հրահրում է հիրսուտիզմ՝ հավելյալ մազակալում մարմնի այն հատվածներում, որտեղ հիմնականում դրանք բացակայում են կամ աննշան են արտահայտված։ Այդ ժամանակ Լոուրենսն ասել է, որ չի մտածում ախտորոշման հետ կապված խնդիրների մասին:

Մեկ տարի անց կինը նկատել է, որ իր վերին շրթունքի վերևում սկսել են մազեր աճել։ 30 տարեկանում կզակի վրա մազածածկույթ է հայտնվել։ «Ես փորձեցի էլեկտրոլիզ և լազերային էպիլյացիա: Բայց 45 տարեկանում մազերի ծավալն այնքան մեծացավ, որ ես կարող էի մորուք աճեցնել։ Այսպիսով, ես ստիպված էի սկսել սափրվել», - ասում է նա:

Լոուրենսը կրկին ծաղրի զոհ է դարձել, բայց այժմ՝ սոցիալական ցանցերում։ «Նույնիսկ երբ դեմքիս մի քանի մազ ունեի, անթիվ օգտատերեր ինձ ասում էին. «Գնա սափրվիր, եղբայր»։ Երբեմն ինձ հարցնում էին. «Դու կին ես, թե՞ տղամարդ», հիշում է նա:

Չնայած վիրավորանքներին՝ կինը որոշել է չթաքցնել իր առողջական խնդիրները եւ դադարել է սափրվել։ «Հիմնական պատճառներից մեկը, որ ես որոշեցի մորուք աճեցնել, ուշադրություն հրավիրելն էր ՁՊԿՀ-ի վրա: Դա անելու ամենահեշտ ձևը մարդկանց ստիպելն է հարցնել. «Ինչո՞ւ մորուք ունես», ասում է Լոուրենսը:

Նա շուտով տեսավ, որ հասել է իր նպատակին և կարողացավ բարձրացնել մարդկանց իրազեկվածությունը իր ախտորոշման վերաբերյալ։ Նույն խնդիրներով շատ կանայք սկսեցին կիսվել սեփական փորձով և շնորհակալություն հայտնել Լոուրենսին աջակցության համար: Կինն էլ իր հերթին ազատվել է բարդույթներից ու ընդունել ինքն իրեն։ 

Այս թեմայով Z սերնդի կանայք բախվում են «կույս լինելու ամոթին» ՔՊ-ական նախկին պատգամավորի կինը վրաերթի է ենթարկել մի կնոջ, ով փողոցն անցել է հետիոտնի համար չնախատեսված վայրից Շիրակի մարզպետարանի կրթության վարչության պետի հետ ձերբակալվածներից մեկը կին է․ մանրամասներ․ Aravot.am Երևանում առևանգված կնոջը հայտնաբերել են Ոսկեպարի սահմանագոտում չգործող ճաշարանում. Ոսկան Սարգսյան «Աբովյան» ՔԿՀ պետի պաշտոնում կին է նշանակվել