Վթարային հոսանքազրկումներ են սկսվել ամբողջ Ուկրաինայում, Կիևի կեսը հոսանքազրկված է. Կլիչկո

Ուկրաինայի ենթակառուցվածքներին հասցված հարվածներից հետո ամբողջ երկրում սկսվել են էլեկտրաէներգիայի վթարային անջատումներ, ասել է Կիևի քաղաքապետ Կլիչկոն։

Նրա խոսքով՝ մայրաքաղաքի կեսն այժմ հոսանքազրկված է։

 «Սա անհրաժեշտ քայլ է էներգահամակարգը հավասարակշռելու և սարքավորումների խափանումներից խուսափելու համար: Կայունացման անջատմումների ժամանակացույցերը դեռ ուժի մեջ չեն: Մայրաքաղաքում առանց էլեկտրականության են մնացել հաճախորդների առնվազն կեսը»,- ասել է նա։

Նշենք, որ ուկրաինական լրատվամիջոցների տվյալներով և տեղի իշխանությունների հաստատմամբ՝ Ուկրաինայի քաղաքների վրա իրականացվում է լայնամասշտաբ հրթիռային հարձակումներ։

Հրթիռային հարձակման է ենթարկվել նույնիսկ հեռավոր արեմուտքում գտնվող Լվով քաղաքը։