Հնդկաստանում տղամարդն իր հետ ամուսնանալու խնդրանքի համար սպանել և մասնատել է ընկերուհուն
ԱյլՀնդկաստանում տղամարդը խոստովանել է, որ սպանել է իր ընկերուհուն, որից հետո նրա մարմինը մասնատել է 35 մասի և պահել սառնարանում։ Այս մասին հայտնում է Mirror-ը։
Ենթադրվում է, որ Աֆթաբ Ամին Պունավալլան խեղդամահ է արել իր ընկերուհուն այն բանից հետո, երբ վերջինս խնդրել է ամուսնանալ իր հետ։
Դրանից հետո նա աղջկա մարմինը դանակով կտրատել է 35 մասի։ Հաջորդ երեք շաբաթվա ընթացքում նա մարմինը հեռացրել է գիշերը։ Այս ամբողջ ընթացքում նա քնել է նույն սենյակում, որտեղ կատարել է սպանությունը։
Ինքը՝ տղամարդը, խոստովանել է, որ հանցագործությունը կատարելիս իրեն ոգեշնչել է սերիական մարդասպանի մասին պատմող ամերիկյան «Դեքստեր» (անգլ.՝ Dexter) դետեկտիվ սերիալը։
Զույգը ծանոթացել է համացանցի միջոցով: Աղջկա ծնողները դեմ էին իրենց դստեր հարաբերություններին Պունավալլայի հետ, ուստի նրանք որոշել էին տեղափոխվել Դելի։ Երբ աղջիկը դադարել էր կապի դուրս գալ, անհանգստացած հայրը եկել էր դստեր մոտ, սակայն բնակարանի դուռը փակ էր եղել։