Ավազակը փորձել է ներխուժել տուն և պատահաբար դարձել է մարդասպան

ԱՄՆ-ում ավազակը փորձել է ներխուժել Հարավային Կարոլինայի բնակչի տուն ու պատահաբար դարձել է մարդասպան։ Այս մասին հայտնում է WBTW-ն։

40-ամյա Օսթին Թոմաս Ջոնսը, գտնվելով ծայրահեղ հարբած վիճակում, հուլիսի 24-ին փորձել է թալանել Նորթ Միրթլ Բիչ քաղաքի բնակչի տունը։ Երբ նա բռունցքով կոտրել է պատուհանը, տան տիրուհին ոստիկանություն է կանչել։ Դրանից անմիջապես հետո նա սթրեսի պատճառով սրտի կաթված է ստացել։ Դեպքի վայր ժամանած ոստիկանները շտապօգնություն են կանչել, որոնք կնոջը տեղափոխել են հիվանդանոց։

Ըստ New York Post-ի, Ջոնսը նույնպես շուտով ձերբակալվել է։ Ոստիկանները նրա մոտ թմրանյութ են հայտնաբերել, իսկ նրա ձեռքերին՝ կտրվածքներ։ Այնուամենայնիվ, նա ազատ է արձակվել՝ չնայած գողության փորձին։ Սակայն հուլիսի 28-ին նրա զոհը մահացել է հիվանդանոցում՝ սրտի կաթվածից։

Նոյեմբերին բժշկական զննությամբ պարզվել է, որ կինը մահացել է սրտի սուր կաթվածից՝ իր տուն ներխուժելու պատճառով առաջացած սթրեսի ֆոնին։ Նոյեմբերի 10-ին Ջոնսի նկատմամբ նոր ձերբակալության հրաման է տրվել։ Այս անգամ նրան սպանության մեղադրանք է առաջադրվել։

Ուրբաթ օրը՝ նոյեմբերի 11-ին, հարձակվողը 2500 դոլար գրավ է վճարել և ազատ է արձակվել մինչև հաջորդ դատական ​​նիստը։