ԱՄՆ-ում մահապատժի կենթարկվի կնոջն ու երեխաներին սպանած տղամարդը, ով դատարանում հանել է իր աչքերը

ԱՄՆ-ում որոշել են Անդրե Թոմասի մահապատժի օրը, ով դատապարտվել է եռակի սպանության համար և դատական ​​նիստի ժամանակ հանել է իր երկու աչքերը։ Այս մասին հայտնում է Mirror-ը։

Բացահայտվել է, որ Թոմասը, որը բնութագրվում է որպես «Տեխասի պատմության ամենահոգեկան հիվանդ բանտարկյալներից մեկը», ով դաժանաբար սպանել է իր ողջ ընտանիքին, պետք է մահապատժի ենթարկվի 2023 թվականի ապրիլի 5-ին։

Որոշումը հետաձգվում էր դատավճիռների կայացման ժամանակ ռասայական կողմնակալության, ինչպես նաև հոգեկան հիվանդության դեպքում պատիժն ի կատար ածելու մարդասիրական հարցերի պատճառով։

Բանն այն է, որ Թոմասը սևամորթ տղամարդ է, ով սպանել է սպիտակամորթ կնոջը, ինչի պատճառով երդվյալ ատենակալները ստիպված են եղել հայտնել իրենց տեսակետները ռասայական հարաբերությունների վերաբերյալ։

Նրա մոտ ախտորոշվել է նաև հոգեբանական շեղումներ։ Սպանությունից երկու օր առաջ, որը կատարվել է 2005 թվականին, Թոմասը ճանաչվել է փսիխոզով հիվանդ, իսկ ինը տարեկանից նա տառապել է հալյուցինացիաներով։

Հետազոտությունից հետո նա անարգել վերադարձել է տուն և շուտով սպանել կնոջն ու երկու երեխաներին՝ բացելով երեքի կուրծքն ու հանելով երկու երեխաների սիրտը։ Նրա խոսքով՝ նրանց հալածում էին չար ոգիները։ Դրանից հետո հանցագործը փորձել է ինքնասպան լինել՝ դանակը խրելով իր սրտի մեջ, սակայն ողջ է մնացել։

Միաժամանակ, ինքը՝ Թոմասը, չի հերքել իր կատարած սպանության փաստը, մինչդեռ փաստաբանները փորձել են պաշտպանել նրան և դատարանին համոզել, որ հանցագործությունը կատարվել է փսիխոզի բռնկման ժամանակ։