Տիկնիկի հետ ամուսնացած կինը հայտարարել է «ամուսնու» դավաճանության մասին
Այլ
Բրազիլիայից 37-ամյա Մեիրիվոն Ռոշա Մորաեսը, ով անցյալ դեկտեմբերին հայտնի դարձավ Մարսելո անունով տիկնիկի հետ ամուսնանալու շնորհիվ, հայտարարել է, թե իր ամուսնությունը կախված է թելից, քանի որ «ամուսինը» «դավաճանել» է իրեն, գրում է Dailymail-ը։
Մորաեսը պնդում է, որ Մարսելոն «մոթել է գնացել մեկ այլ կնոջ հետ» և նույնիսկ ասում է, որ «նրա հեռախոսում գտել է դավաճանության մասին վկայող հաղորդագրություններ»:
«Շատ տխուր էի և հազիվ եմ քնել, քանի որ շատ եմ սիրում ամուսնուս, բայց նա հերքել է դավաճանությունը: Ես իմացել եմ ընկերուհուցս, ով պատմեց ինձ, որ տեսել է, թե ինչպես է Մարսելոն այլ կնոջ հետ մտնում մոթել, մինչ ես երեք գիշեր-ցերեկ հոսպիտալացված եմ եղել Մարսելինոյի՝ մեր որդու հետ, ով վիրուս ուներ: Սկզբում մտածեցի, թե նա ստում է, բայց հետո սկսեցի նայել նրա հեռախոսը և տեսա խոսակցություններ, որոնք ինձ ստիպեցին համոզվել, որ նա խաբում է: Նա շարունակեց ամեն ինչ հերքել և ասում էր, թե շատ է սիրում ինձ, ներողություն էր խնդրում և լաց լինում: Վիճաբանությունը տհաճ էր և վախեցրեց մեր որդուն, որը լաց էր լինում, ուստի գոռացի նրա վրա՝ «Տեսա՞ր՝ ինչ արեցիր»: Հարցրի, թե ով է այդ կինը, նա չպատասխանեց»,- ասել է կինը TikTok-ում։
Նա խոստովանել է, որ ցանկացել է վռնդել անհավատարիմ «ամուսնուն», բայց հետո մտածել է, որ իրենց «որդին», որը նույնպես կտորից տիկնիկ է, «կարոտելու է իր հորը»։
Այժմ նրանք քնում են տարբեր մահճակալներում, իսկ բրազիլուհին մտածում է, թե ինչ անել հետո։
«Սերը, որ ունեմ նրա հանդեպ, ստիպեց ինձ ներել, ոչ ամբողջությամբ, բայց չեմ կարծում, որ կարող եմ ապրել առանց ամուսնուս: Պետք է խոսեմ նրա հետ, որպեսզի նա կարողանա մեկընդմիշտ որոշել, որ այլևս չի դավաճանի, և եթե նա էլի խաբի, չեմ ների»,- ընդգծել կինը։
Նշենք, որ 2022 թվականի դեկտեմբերի 18-ին զույգը կնշի ամուսնության մեկ ամյակը։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
