Մեծ Բրիտանիայում երկու երեխաների մայրը որոշել է մեծացնել կուրծքը և փրկել է սեփական կյանքը
ԺամանցՄեծ Բրիտանիայում կինը քաղցկեղային ուռուցքի մասին իմացել է կրծքագեղձի մեծացման վիրահատության շնորհիվ։ Այս մասին հայտնում է Daily Mail-ը։
Ինչպես կիսվել է բրիտանուհին, իմպլանտները տեղադրելուց հետո նա հանել է վիրակապերը և կրծքավանդակի հատվածում գունդ հայտնաբերել: Բժիշկները երկու երեխաների մոր մոտ 17 միլիմետրանոց քաղցկեղային ուռուցք են ախտորոշել։
Ինչպես հավելել է կինը, նա ավելի վաղ վիրահատվել է ողնուղեղի ուռուցքը հեռացնելու համար 2006 թվականին։ Երկու երեխա լույս աշխարհ բերելուց ու նիհարելուց հետո որոշել է կրծքագեղձի մեծացման վիրահատություն անել։
Կնոջ խոսքով՝ այս որոշման շնորհիվ ինքը կարողացել է ժամանակին սկսել քաղցկեղի բուժումը վաղ փուլում, քանի որ իմպլանտները «դուրս են մղել» ուռուցքը՝ այն նկատելի դարձնելով։ Նրա խոսքով՝ եթե ինքը չվիրահատվեր, քաղցկեղը կարող էր տարածվել այլ օրգանների վրա։